املوک (جاپانی پھل) persimmon fruit
تعارف Introduction
املوک موسمِ سرما کا ایک ذائقے دار پھل ہے۔ یہ پکے ہوئے گول ٹماٹروں سے ملتا جلتا ہے۔ انگریزی میں اس کو پرسی مین persimmon کہتے ہیں۔ آج سے ایک دہائی پہلے پاکستان کی سرزمین اس کے لئے نئی تھی کیونکہ اسے جاپان سے لایا گیا تھا یہی وجہ ہے کہ شروع میں بیشتر علاقوں میں اسے " جاپانی پھل “ کہا جاتا تھا۔ اب تک بھی بعض علاقوں میں اس کو جاپانی پھل ہی کہا جاتا ہے۔ اس خوبصورت اور پیارے پھل کو پاکستان کی فضا خوب راس آئی ہے۔ چناچہ ہمارے یہاں اس کی کاشت میں روز بروز اضافہ ہو رہا ہے۔
فوائد Benefits
اس خوش رنگ اور خوش ذائقہ پھل میں قدرت نے دیگر پھلوں کی طرح بے شمار خوبیاں اور صفات رکھی ہیں اور یہی چیز اس کی بڑھتی ہوئی پسندیدگی اور مقبولیت کی وجہ ہے۔ یہ گول ٹماٹر نما لال پھل اپنے اندر طاقت و توانائی کا خزانہ رکھتا ہے۔اسے کھانے سے چھلی ہوئی آنتیں ٹھیک ہو جاتی ہیں کیونکہ یہ لعاب دار ہوتا ہے اور اس کا نرم گودا آنتوں کے لئے بہت مفید ہوتا ہے جو آنتوں کے زخم کو ٹھیک کرتا ہے۔
تحقیق Research
جاپان میں ہونے والی تحقیق کے مطابق املوک بڑی آنت (قولون) میں پیدا ہونے والی بعض خرابیوں کو دور کرنے کی بھرپور صلاحیت رکھتا ہے۔ یہی وجہ ہے کہ اسے نظام انہظام کے لئے بہترین اور مفید دوا کا نام دیا گیا ہے۔
صحت کے لئے فوائد Health Benefits
بعض اوقات بھاری یا ناقص غذا کے استعمال سے بڑی آنت میں ورم آ جاتا ہے
جس سے اخراج کا نظام متاثر ہوتا ہے اور اس کے اثرات معدے پر بھی پڑتے ہیں۔
ماہرینِ صحت کے مطابق املوک کے مقا بلے میں کوئی اور چیز آنتوں کے ورم کا اتنی جلدی علاج نہیں کر سکتی۔
املوک کو کچی حالت میں توڑنے سے گاڑھا دودھ سا نکلتا ہے جو پھل پکنے کے بعد لعاب میں تبدیل ہو جاتا ہے
یہی لعاب آنتوں کے اندر کی نازک پرت کو نقصان پہنچائے بغیر وہاں جمع جراثیم وغیرہ کو سمیٹ کر خارج کر دیتا ہے،اسی لئے اسے،قبض،بڑی آنت میں ورم اور درد کے لئے مفید قرار دیا گیا ہے۔
